अचानक झालेल्या हाणामारीने परिसरात खळबळ; अल्पवयीन संशयित पोलिसांच्या ताब्यात
बारामती | प्रतिनिधी :
बारामती तालुक्यातील माळेगाव परिसरात दोन गटांमध्ये झालेल्या मारामारीत तीन युवकांवर हल्ला झाल्याची घटना समोर आली आहे. अचानक घडलेल्या या प्रकारामुळे परिसरात काही काळ खळबळ उडाली असून तणावाचे वातावरण निर्माण झाले होते.
घटनेची माहिती मिळताच पोलिसांनी तात्काळ घटनास्थळी धाव घेत परिस्थिती नियंत्रणात आणली. या प्रकरणात बारामती शहरातील एका अल्पवयीन संशयिताला पोलिसांनी ताब्यात घेतले असून, हल्ल्यात त्याचा सहभाग आहे का, याबाबत पोलिसांकडून तपास सुरू आहे.
दरम्यान, तीन युवकांवर हल्ला नेमका कोणत्या कारणातून झाला, याबाबत अद्याप स्पष्टता झालेली नाही. पूर्ववैमनस्य, जुन्या वादातून झालेली मारामारी किंवा अन्य काही कारणामुळे हा प्रकार घडला का, याचा तपास पोलिसांकडून करण्यात येत आहे.
जखमी युवकांची वैद्यकीय तपासणी, घटनेप्रकरणी दाखल होणारा गुन्हा, तसेच या मारामारीमध्ये आणखी कोणाचा सहभाग आहे का, याबाबतची अधिकृत माहिती पोलिसांकडून मिळणे बाकी आहे.
या घटनेनंतर माळेगाव परिसरातील नागरिकांमध्ये चर्चेला उधाण आले असून, घटनेमागील नेमके कारण काय आणि या प्रकरणात आणखी कोणाची भूमिका आहे का, याचा पोलिस तपासातून उलगडा होणार आहे.
‘जनतेचा आवाज’चा सवाल :
माळेगाव परिसरात दोन गटांमध्ये झालेल्या या मारामारीचे नेमके कारण काय? या घटनेमागे पूर्ववैमनस्य आहे की अन्य काही कारण? पोलिस तपासानंतरच या प्रश्नांची अधिकृत उत्तरे समोर येणार आहेत.
✍🏻मुख्य संपादक – मंगलदास तुकाराम निकाळजे
मोबाईल नंबर – 8390041414
