पुण्यश्लोक अहिल्यादेवी शासकीय वैद्यकीय महाविद्यालयातील सफाई कामगाराच्या नेमणुकीचे आमिष; बारामती पोलिसांत BNS 318(4) अन्वये कारवाई
बारामती | प्रतिनिधी
पुण्यश्लोक अहिल्यादेवी शासकीय वैद्यकीय महाविद्यालय व सर्वोपचार रुग्णालय, बारामती येथे कंत्राटी पद्धतीने सफाई कामगार म्हणून नेमणूक करून देण्याचे आमिष दाखवून ७० हजार रुपये घेतल्याचा आरोप असलेल्या महिलेविरोधात बारामती तालुका पोलिस ठाण्यात गुन्हा दाखल करण्यात आला आहे.
पोलिसांनी दिलेल्या FIR नुसार, सुनिता संतोष शिंदे (रा. देसाई इस्टेट, बारामती) यांच्या विरोधात भारतीय न्याय संहिता (BNS) कलम 318(4) अंतर्गत गुन्हा नोंदविण्यात आला आहे. या प्रकरणाची तक्रार संजिवनी पांडुरंग नाळे यांनी केली आहे.
तक्रारीनुसार, फिर्यादी कंत्राटी सफाई कामगार म्हणून काम करत असून आरोपी महिला देखील संबंधित ठिकाणी काम करत होती. फिर्यादीच्या म्हणण्यानुसार, आरोपीने कंत्राटी कामासाठी पैसे द्यावे लागतील, असे सांगितल्याने सुरुवातीला ४० हजार रुपये रोख देण्यात आले. त्यानंतर उर्वरित रकमेसंदर्भातही मागणी करण्यात आली.
FIR मध्ये नमूद माहितीनुसार, १६ डिसेंबर २०२५ ते २२ डिसेंबर २०२५ या कालावधीत पैशांच्या व्यवहारासंदर्भातील घटना घडल्याचे नमूद आहे. तसेच तक्रारीत आरोपीच्या नातेवाईकाच्या Google Pay क्रमांकावर ३० हजार रुपये पाठविल्याचा उल्लेख आहे. त्यामुळे एकूण ७० हजार रुपयांची फसवणूक झाल्याचा आरोप तक्रारीत करण्यात आला आहे.
या प्रकरणाची माहिती बारामती तालुका पोलिसांना २३ सप्टेंबर २०२६ रोजी मिळाल्यानंतर सायंकाळी ६.५० वाजता FIR नोंदविण्यात आला. प्रकरणाचा तपास हेड कॉन्स्टेबल रामदास लक्ष्मण जाधव यांच्याकडे सोपविण्यात आला आहे.
नेमणुकीच्या नावाखाली पैशांचा व्यवहार?
शासकीय वैद्यकीय महाविद्यालय व रुग्णालयातील कंत्राटी कामाच्या नेमणुकीसाठी पैशांची मागणी झाल्याचा आरोप असल्याने या प्रकरणाच्या तपासातून पैसे नेमके कोणत्या कारणासाठी घेण्यात आले, संबंधित नेमणुकीबाबत कोणते आश्वासन देण्यात आले आणि पैशांचा व्यवहार कोणाकडे झाला अजून कोण यात सामील आहे, हे पैसे कोणाला द्यायला घेतले होते, अजून किती महिलांकडून पैसे घेतले आहेत याबाबत अधिक माहिती समोर येण्याची शक्यता आहे.
या प्रकरणाचा आवाज उठवून पाठपुरावा जनतेचा आवाजचे मुख्य संपादक मंगलदास निकाळजे यांनी केला होता याची दाखल घेऊन गुन्हा दाखल करण्यात आला.
✍🏻मुख्य संपादक – मंगलदास तुकाराम निकाळजे
मोबाईल नंबर – 8390041414
