🚨 बारामतीत कोयत्याने हल्ला! १० जणांविरोधात गंभीर गुन्हा दाखल

गुणवडी येथे जुन्या वादातून तरुणावर हल्ल्याचा आरोप; डोक्यात कोयत्याचा वार, पत्नीला मारहाण व दुचाकीचे नुकसान

बारामती : तालुक्यातील गुणवडी परिसरात जुन्या वादातून एका कुटुंबावर हल्ला झाल्याची गंभीर घटना समोर आली आहे. या प्रकरणी बारामती शहर पोलीस ठाण्यात FIR क्रमांक 0339/2026 अन्वये २२ ऑगस्ट २०२६ रोजी पहाटे ४.२५ वाजता गुन्हा दाखल करण्यात आला आहे. गुन्ह्यात शस्त्र अधिनियमासह भारतीय न्याय संहितेतील विविध कलमे लावण्यात आली आहेत.

फिर्यादीच्या जबाबानुसार, २१ ऑगस्ट रोजी रात्री सुमारे १०.४५ वाजता ते घरी झोपले असताना घराबाहेर काही जण आल्याची माहिती पत्नीने दिली. त्यानंतर घराबाहेर आल्यानंतर जुन्या भांडणाच्या तसेच ग्रामसभेतील वादाच्या कारणातून शिवीगाळ करण्यात आल्याचा आरोप फिर्यादीने केला आहे.

फिर्यादीच्या म्हणण्यानुसार, यावेळी एका आरोपीने हातातील कोयत्याने हल्ला करण्याचा प्रयत्न केला, तर दुसऱ्या आरोपीने कोयत्याने डोक्याच्या उजव्या बाजूला जोरदार वार केला. त्यामुळे डोक्यातून रक्तस्राव झाल्याचे जबाबात नमूद आहे. याशिवाय इतर आरोपींनी लाकडी दांडक्यांनी मारहाण केल्याचा आरोप करण्यात आला आहे.

भांडण सोडवण्यासाठी आलेल्या फिर्यादीच्या पत्नीला देखील हाताने व लाथाबुक्क्यांनी मारहाण केल्याचा आरोप करण्यात आला असून, नातेवाईकाची बजाज प्लॅटिना मोटारसायकल फोडून नुकसान केल्याचेही फिर्यादीने पोलिसांना सांगितले आहे.

१० जणांविरोधात गुन्हा

FIR मध्ये एकूण १० संशयित/आरोपींची नावे नमूद आहेत. त्यात मल्हारी मारुती घोडे, किल्या उर्फ विनायक घोडे, विशाल हौशिलाल घोडे, अभिजीत महादेव घोडे, वैभव हौशिलाल घोडे, सोमनाथ सुदाम घोडे, रितेश संदिप घोडे, कोहिनूर आप्पा कसबे, वीर विशाल घोडे आणि संगीता घोडे यांचा समावेश आहे.

या प्रकरणात शस्त्र अधिनियम १९५९ मधील कलम ४ व २५, तसेच भारतीय न्याय संहिता २०२३ मधील कलम 118(1), 189(2), 189(4), 190, 191(2), 191(3), 324(2) आणि 352 अंतर्गत गुन्हा नोंदवण्यात आला आहे.

पोलिसांनी गुन्हा नोंदवून तपास हाती घेतला असून पोलीस हवालदार रामचंद्र वामनराव शिंदे (क्र. 2307) यांच्याकडे तपास सोपवण्यात आल्याचे FIR मध्ये नमूद आहे.

JANATECHA AWAJ

✍🏻मुख्य संपादक – मंगलदास तुकाराम निकाळजे 

मोबाईल नंबर – 8390041414